Irabazi-asmorik gabeko elkarte bat gara, eta bertan baso-jabeak, zuraren industria eta sektorearekin lotutako beste kolektibo batzuk daude ordezkatuta (unibertsitateak, udalak, elkargo profesionalak), eta Euskadiko baso-kudeaketarekin eta iraunkortasunarekin lotutako beste elkarte batzuei irekita dago.

Iraunkortasun-irizpideak adosteko gure lan nagusia Baso Kudeaketa Iraunkorrerako Eskualde Artezpideak prestatuz aplikatzen da, eta Euskadiko Eskualde Ziurtagiriari atxikitakoek horiek betetzeko konpromisoa hartuko dute.

PEFCn, gure basoak babesteko lan egiten dugu, ziurtapenaren bidez baso-kudeaketa jasangarria sustatuz. Horrek esan nahi du guztiok jaso ditzakegula basoek orain ematen dituzten produktu ugariak, eta, aldi berean, bermatu egiten dugu baso horiek eskuragarri egongo direla datozen belaunaldientzat.

Baso-ziurtapenak gure basoen kudeaketa jasangarria sustatzeko mekanismo bat ematen du, eta merkatura iristen diren basoetan oinarritutako produktuak modu jasangarrian kudeatutako basoetatik lortu direla bermatzen du.